Ezekiel 36

Ukubuyiswa kukaIsrayeli

1Wena-ke ndodana yomuntu, profetha kuzo izintaba zakoIsrayeli ^a, uthi: Lina zintaba zakoIsrayeli, zwanini ilizwi leNkosi ^b. 2Itsho njalo iNkosi uJehova: Ngoba isitha sitshilo simelene lani ^c: Aha ^d, ngitsho izindawo zasendulo eziphakemeyo ^e ziyilifa lethu ^f; 3ngakho profetha uthi: Itsho njalo iNkosi uJehova: Ngoba, yebo, ngoba bakwenze incithakalo, baliginya inhlangothi zonke ^g, ukuze libe yilifa ^h kuyo insali yabezizwe ⁱ, liphakanyiswa endebeni zolimi ^j, laba lunyeyo lwabantu ^k; 4ngakho, lina zintaba zakoIsrayeli ^l, zwanini ilizwi leNkosi uJehova ^m: Itsho njalo iNkosi uJehova ezintabeni ^{n , o}, lemaqaqeni ^p, emifuleni ^q, lezihotsheni ^r, lemanxiweni achithekileyo ^s, lemizini etshiyiweyo, esibe ^t yimpango ^u lenhlekisa ^v kunsali ^w yezizwe ezizingelezeleyo ^x. 5Ngakho itsho njalo iNkosi uJehova: Isibili ngomlilo ^y wobukhwele bami ^z sengikhulume ngimelene lensali yabezizwe ^aa, ngimelene leEdoma yonke ^{ab , ac}, abazinikele ilizwe lami ukuthi libe yilifa ^ad ngentokozo yenhliziyo yonke ^ae, ngengqondo yokudelela ^af, ngenxa yokuliphosa libe yimpango ^ag. 6Ngakho profetha ngelizwe lakoIsrayeli, uthi ezintabeni ^ah, lemaqaqeni ^ai, emifuleni ^aj, lezihotsheni ^ak: Itsho njalo iNkosi uJehova: Khangela, ngikhulumile ebukhweleni bami lelakeni lwami ^al, ngoba lithwele ^am ihlazo lezizwe ^an. 7Ngakho itsho njalo iNkosi uJehova: Mina ngiphakamisile isandla sami ^ao. Isibili izizwe ezilihanqileyo ^ap, yizo ezizathwala ihlazo lazo ^aq.

8Kodwa lina, zintaba zakoIsrayeli ^ar, lizaveza ingatsha zenu ^as, lithele isithelo senu kubantu bami uIsrayeli ^at, ngoba basondela ukubuya ^au. 9Ngoba, khangelani, ngilani, ngiphendukele ngakini, njalo lizalinywa lihlanyelwe ^av. 10Njalo ngizakwandisa abantu phezu kwenu, yonke indlu kaIsrayeli, yona yonke ^aw; lemizi izahlalwa ^ax, lamanxiwa azakwakhiwa ^{ay , az}. 11Njalo ngizakwandisa phezu kwenu ^ba umuntu lenyamazana ^bb, njalo kuzakwanda kuthele izithelo ^bc; ngilenze lihlale njengasezindaweni zenu zendulo ^bd, ngikwenze kube kuhle kulezikhathi zenu zokuqala. Khona lizakwazi ukuthi ngiyiNkosi ^be. 12Yebo ngizakwenza abantu bahambe phezu kwenu, abantu bami uIsrayeli; badle ilifa lakho, wena ube yilifa labo ^bf, kawusayikubenza bafelwe ngabantwana futhi ^bg. 13Itsho njalo iNkosi uJehova: Ngoba bathi kini: Wena ungumudli wabantu ^bh, wenze izizwe zakho zifelwe ngabantwana ^bi. 14Ngakho kawusayikudla abantu, kawusayikukhubekisa izizwe zakho, itsho iNkosi uJehova ^bj. 15Njalo kangisayikuzwakalisa kuwe ihlazo lezizwe, kawusayikuthwala inhloni zabantu, kawusayikukhubekisa izizwe, itsho iNkosi uJehova ^bk.

16Ilizwi leNkosi lafika kimi futhi lisithi: 17Ndodana yomuntu, abendlu kaIsrayeli besahlala elizweni lakibo, balingcolisa ^bl ngendlela yabo ^bm langezenzo zabo ^bn; indlela yabo phambi kwami yayifanana lokungcola kowesifazana osemfuleni ^bo. 18Ngakho ngathululela ulaka lwami phezu kwabo ngenxa yegazi ababelichithe elizweni ^bp, langenxa yezithombe zabo ababelingcolise ngazo. 19Ngasengibahlakaza phakathi kwezizwe ^bq, basabalaliswa phakathi kwamazwe ^br; ngabahlulela njengokwendlela yabo ^{bs , bt , bu} lanjengokwezenzo zabo ^bv. 20Lapho befika kwabezizwe, lapho abaya khona, bangcolisa ibizo lami elingcwele, lapho kwathiwa ngabo: Laba ngabantu beNkosi, baphume elizweni layo ^bw.

21Kodwa ngalihawukela ibizo lami elingcwele, indlu kaIsrayeli eyayilingcolise phakathi kwezizwe, lapho abaya khona ^bx. 22Ngakho tshono kuyo indlu kaIsrayeli: Itsho njalo iNkosi uJehova: Kangikwenzi ngenxa yenu, lina ndlu kaIsrayeli ^by, kodwa ngenxa yebizo lami elingcwele, elilingcolisileyo phakathi kwezizwe, lapho elaya khona ^{bz , ca}. 23Njalo ngizangcwelisa ibizo lami elikhulu, elingcoliswe phakathi kwezizwe, elilingcolisileyo phakathi kwazo ^cb; lezizwe zizakwazi ukuthi ngiyiNkosi, itsho iNkosi uJehova ^cc, lapho ngizangcweliswa kini ^cd emehlweni abo ^ce. 24Ngoba ngizalithatha ezizweni, ngilibuthe emazweni wonke ^cf, ngililethe elizweni lenu ^cg.

25Khona ngizafafaza ^ch amanzi ahlambulukileyo phezu kwenu, lihlambuluke ^ci; kukho konke ukungcola kwenu ^cj, lakuzo zonke izithombe zenu ^ck, ngizalihlambulula ^cl. 26Ngilinike inhliziyo entsha ^cm, ngifake umoya omutsha phakathi kwenu ^{cn , co}, ngisuse inhliziyo yelitshe enyameni yenu ^cp, ngilinike inhliziyo yenyama ^cq. 27Ngifake uMoya wami phakathi kwenu ^cr, ngilenze ukuthi lihambe ngezimiso zami ^{cs , ct}, ligcine izahlulelo zami ^{cu , cv} lizenze ^cw. 28Lizahlala-ke elizweni engalinika oyihlo ^cx, libe ngabantu bami, lami ngibe nguNkulunkulu wenu ^cy. 29Njalo ngizalisindisa ^cz kukho konke ukungcola kwenu ^da; ngibize amabele ^db, ngiwandise, ngingabeki ndlala phezu kwenu ^dc. 30Ngandise isithelo sesihlahla, lesivuno sensimu, ukuze lingaphindi lemukele ihlazo lendlala phakathi kwezizwe ^dd. 31Khona lizakhumbula izindlela zenu ezimbi lezenzo zenu ezingalunganga ^{de , df}; linengeke ngani ngokwenu ngobubi benu langenxa yezinengiso zenu ^dg. 32Kangikwenzi ngenxa yenu, itsho iNkosi uJehova; kakwaziwe kini. Banini lenhloni libe lehlazo ngenxa yezindlela zenu, lina ndlu kaIsrayeli ^dh.

33Itsho njalo iNkosi uJehova: Mhla ngilihlambulula kubo bonke ububi benu ^di, ngizakwenza imizi ihlalwe ^{dj , dk}, lamanxiwa akhiwe ^dl. 34Lelizwe elichithekileyo lizalinywa, endaweni yokuthi beliyinkangala emehlweni abo bonke abadlulayo ^dm. 35Njalo bazakuthi: Lelilizwe ebeselichithekile selinjengesivande seEdeni; lemizi eyinkangala lengamanxiwa lediliziweyo isibiyelwe yahlalwa ^dn. 36Khona izizwe ezisele zilizingelezele zizakwazi ukuthi mina iNkosi ^do ngakha indawo ezidiliziweyo ^dp, ngihlanyele ezichithekileyo ^dq. Mina Nkosi ngikhulumile, ngizakwenza ^dr.

37Itsho njalo iNkosi uJehova: Langalokhu ngizacelwa yindlu kaIsrayeli, ukuthi ngiyenzele khona ^ds; ngizabandisa ngabantu ^dt njengomhlambi ^du. 38Njengomhlambi ongcwele ^{dv , dw}, njengomhlambi weJerusalema emikhosini yawo emisiweyo ^dx, ngokunjalo imizi echithekileyo izagcwala ngemihlambi yabantu ^dy. Khona bazakwazi ukuthi ngiyiNkosi ^dz.